အတွင်းတိမ်ခွဲစိတ်လိုသူများမေးလေ့ရှိသော မေးခွန်းများ 👩‍⚕️
၁။ အတွင်းတိမ်ခွဲပြီး ဘယ်နှစ်ရက်လောက် နေရင် လုပ်ငန်းခွင်ပြန်ဝင် လို့ရမလဲ?
🔹ပုံမှန်အတွင်းတိမ်ခွဲပြီး နှစ်ပါတ်လောက်နေရင် လုပ်ငန်းခွင်ပြန်ဝင်လို့ရပါတယ် ထူးခြားတဲ့လူနာဆိုရင်တော့လူနာတဦးချင်းစီ အတွက်ကို ခွဲစိတ်ပြီးဆရာဝန်က ထပ်ပြီးအသေးစိတ်ရှင်းပြပေးပါတယ်။

၂။ နယ်ကလာရမှာမို့အတွင်းတိမ်ခွဲရင်ရန်ကုန်မှာဘယ်နှစ်ရက်လောက်နေရမလဲ?
🔹အတွင်းတိမ်ခွဲစိတ်ပြီး ဆေးရုံတတ်ရန်မလိုပါ။ သို့သော် နယ်မှလာသောလူနာဆိုလျှင် ရန်ကုန်မှာ ၅-၇ ရက်လောက်နေနိုင်လျှင် အတွင်းတိမ်ခွဲစိတ်နိုင်ပါတယ်ရှင်။

၃။ မျက်စိတဖက်နဲ့တဖက်အချိန်ဘယ်လောက်ခွာပြီးခွဲရမလဲ တပြိုင်နက်ထဲခွဲလို့ရလား?
🔹တပြိုင်တည်း ၂ ဘက်လုံး မခွဲပါ။စက်နဲ့ခွဲတာ ဖြစ်တဲ့အတွက် တဖက်နဲ့တဖက် ၁ ရက်ခြားပြီးခွဲစိတ်လို့ရနိုင်ပါတယ်ရှင်။

၄။ နယ်ကလာပြရမှာမို့ချက်ခြင်းခွဲလို့ရလား?
🔹အတွင်းတိမ် ခွဲစိတ်ရန် လိုအပ်သော စစ်ဆေးမှု့များက နေ့ချင်းပြီး ရရှိနိုင်တာမို့ မိမိမျက်လုံး ပါဝါအနေအထား နှင့်ကျန်းမာရေး ပေါ်မူတည်ပြီး နေ့တွင်းချင်း ခွဲစိတ်ကုသမှု့ ခံယူနိုင်ပါတယ် ခွဲပြီးဆေးရုံမှာ ညအိပ်စရာမလိုဘဲ အိမ်ပြန်နားနိုင်ပါတယ်။

၅။ အတွင်းတိမ်ရှိတာသိပြီးဘယ်အချိန်မှာခွဲရမှာလဲ?
🔹အတွင်းတိမ်ကို စက်နဲ့ခွဲရန် တိမ်မရင့်သေးခင်မှာ ခွဲစိတ်ရပါတယ်။ သို့မှသာ လူနာလည်း သက်တောင့်သက်သာ မနာမကျင်ပဲ ချုပ်ရိုးပျောက် ခွဲစိတ်လို့ရနိုင်ပါတယ် ခွဲပြီး တရက်မှသုံးရက်အတွင်း မှာပုံမှန်အမြင်အားကို ပြန်လည်ရရှိပါတယ်။

၆။ အတွင်းတိမ်စက်နဲ့ခွဲတာလက်နဲ့ခွဲတာဘာကွာလဲ?
🔹အတွင်းတိမ်ကိုနောက်ဆုံးနည်းပညာ phacoemulsification နည်းပညာကိုသုံးကာ စက်နဲ့ ချေထုတ်တာဖြစ်တဲ့အတွက် ခွဲစိတ်ချိန် ၁၅ မိနစ်သာကြာမြင့်ခြင်း၊ ချုပ်ရိုးမပါ၊ လုံးဝမနာမကျင်ခြင်း၊ ပိုးဝင်နိုင်ခြေ နည်းပါးခြင်း၊ recovery time မြန်၍ ခွဲပြီးနောက်ပိုင်း ကြည်လင်သော အမြင်အားကို အချိန်တိုအတွင်းရရှိနိုင်ခြင်း၊ ဆေးရုံတတ်စရာမလိုခြင်း စတဲ့ အကျိုးကျေးဇူး များစွာ ရရှိနိုင်ပါတယ်။

၇။ ခွဲပြီးရင်ဘာတွေရှောင်ရမလဲ?
🔹ခွဲစိတ်ပြီး နောက်ပိုင်းမှာတော့ ~

• မျက်လုံးအတွင်းသို့ မျက်စဉ်းမှလွဲ၍ ရေစိမ်းနှင့် ဆပ်ပြာများ ၁ ပတ်ထိ မဝင်စေရန် ဂရုစိုက်ရမည်။
• ကြမ်းပြင်ရှိ ပစ္စည်းကုန်းကောက်ခြင်း။
• ကြီးမားသောအလေးအပင်မခြင်း။
• ကလေးများနှင့်ဆော့ကစားခြင်း၊ -ပြင်းထန်သော exercise များမလုပ်ရ။
• ခွဲစိတ်ပြီး ၂ပါတ်အတွင်းကားမောင်းခြင်း၊ရေကူးခြင်း မလုပ်ရ။

၈။ ဆီးချို၊ နှလုံးနဲ့အခြားရောဂါအခံတွေရှိနေရင်ခွဲလို့ရလား?
🔹ခွဲလို့ရပါတယ်၊ ပုံမှန်ဆီးချိုထိန်းဆေးသောက်နေ ထိုးနေသော သူများလဲ ခွဲစိတ်လို့ရနိုင်ပါတယ်
နှလုံး၊ သွေးတိုး ရောဂါအခံရှိသူများအတွက် လူနာသက်တောင့်သက်သာ ရှိစေရန်အိပ်ဆေး ဖြင့် ခွဲစိတ်ကုသမှု့ ခံ ယူနိုင်ပါတယ်။
၉။ အတွင်းတိမ်ခွဲပြီးမှန်ဘီလူးထည့်ထားပြီးသားပြန်လဲလို့ရလား?
🔹အတွင်းတိမ်ခွဲစိတ်ပြီး ထည့်ထားသောမှန်ဘီလူးများ ပြန်မလဲနိုင်ပါ။ စောင်းနေသော၊ ပြုတ်ထွက်နေသော၊ အနေအထားပုံမှန် မဟုတ်သော မှန်ဘီလူးများသာ လဲလှယ်နိုင်ပါသည်။
📞သင်၏ အဖိုးထိုက်တန်လှသော အမြင်အာရုံနှင့် ပတ်သက်သော ဝေဒနာအမျိုးမျိုးအတွက် ISEC မျက်စိအထူးကုဆေးရုံကြီးမှာ လာရောက်ဆွေးနွေးကုသလိုက်ပါ။
အသေးစိတ်သိရှိလိုပါက~
🏥ISEC နိုင်ငံတကာမျက်စိဆေးရုံ
🏥A5, မင်းရဲကျော်စွာလမ်း၊ စိန့်ဂျွန်း Shopping Mall အနီး၊ လမ်းမတော်မြို့နယ်၊ ရန်ကုန်၊ မြန်မာ။
🏥ISEC Eye Centre Myanmar
A5, MinYeKyawSwar Street, MinYeKyawSwar Business Building, Corner of St.John City Mall, Lanmadaw Township, Yangon, Myanmar.
☎️Tel:+95 1 386 800,📞+95 9 44 82 82 82 1, +95 9 44 82 82 82 2, +95 9 45 82 82 133
📧 [email protected]
🌐 www.isecmyanmar.com.mm